Hausten på Union Geiranger

Festspela i Geiranger – 1.–4. oktober 2026

Vi gler oss til å ønskje velkomen tilbake til nye festspeldagar i hjartet av verdsarvfjorden!

Festspela i Geiranger vert arrangerte over fire dagar fylt med stor kunst, fellesskap og unike opplevingar. Festivalen har hjartet planta i den klassiske musikken – med forgreiningar inn i ei rekkje andre sjangrar og uttrykk. Her vert det konsertar, møteplassar og utviklingsarenaer for unge talent, alt i ramma av UNESCO sitt verdsarvområde for natur og kultur.

Dette er ei feiring av ei verdsarvbygd, av stor musikk og uforglemmelige mat- og naturopplevingar. Vi ønskjer å inspirere og vise samanhengar i eit breiare musikalsk og kulturelt landskap – og Union er den perfekte basen for å oppleve alt festivalen har å by på.

Bestill gjerne tidleg – festspelhelga er populær!

Haustferie med Magisk Moro med Robin

Første helga i haustferien inviterer vi dei minste (og dei store!) til ei magisk oppleving når Robin kjem til Union.

Dette er ein perfekt helg for familiar som vil gjere noko ekstra ut av haustferien – med underhaldning, god mat og alle fasilitetane hotellet har å by på. Meir informasjon om program og aktivitetar kjem – følg med!

Julebord 2026 – start planlegginga no!

Når jula nærmar seg, tek vi imot både bedrifter, vennegjenger og familiar til minneverdige julebord.

Vi tilbyr julebord både midt i veka og i helgane, med eigne pakkar tilpassa ulike grupper:

• Midtveke (onsdag–torsdag og torsdag–fredag): Halvpensjon og inngang Union Spa – frå kr. 2 080,- per person i dobbeltrom
• Helg (fredag–laurdag): Halvpensjon – frå kr. 2 080,- per person i dobbeltrom
• Heile helga (fredag–søndag): Frå kr. 4 955,- per person – med Early Bird-rabatt på kr. 500,- ved bestilling av heil helg før 20. september!

I tillegg kan du velje mellom aktivitetar som vinsmaking, ølsmaking med foredrag, ribtur, neip og kønnjøl, og naturopplevingar med guide.