Gode råd før besøk eller behandling

Før alle behandlingar tek til tilbyr vi deg ein konsultasjon med ein av våre terapeutar om kva som er viktig for deg, for å få den beste spaopplevinga.

Eventuelle plager, allergiar eller anna ubehag som kan vere avgjerande for resultatet, er viktig å få informasjon om. Det heile blir koordinert med dine ønskjer og behov. På den måten får du maksimalt ut av behandlinga. God kommunikasjon er nøkkelen til ei god behandling.

Velværeavdelinga har fleire avkoplingssoner der du kan nyte fullstendig ro før og etter behandlingane, alt etter kva behov du har. Kanskje føretrekk du å kople av med ei bok frå biblioteket, lukke auga i mjuke liggestolar, nyte roa i det stille rommet eller meditere til utsikta. Vi anbefalar at du drikk mykje av det reine og gode vatnet vårt både før, under og etter spabesøket. Vatn er spesielt viktig når du oppheld deg i saunaområdet.

Spafrukost serverast mellom 9-12. Dette er ein enkel kontinental frukost. I peisestova har du tilgang til kaffi, te og frukt heile dagen. Anna drikke kan du bestille og få servert i peisestua i vår relax-avdeling. Ønskjer du matservering anbefalar vi Kafé Løsta eller i hagen ved bassenget.

Ei god ansiktsbehandling blir betre med glatt hud, og vi tilrår at eventuell barbering blir gjort 5-6 timar før behandlinga startar. Ønskjer du den spesielle, avslappande kjensla vår kroppsbehandling i den tyrkiske hamamen gir, tilrår vi at barbering blir gjort dagen før.

Det er alltid hyggeleg å dele ei positiv oppleving med andre. Vi har ulike behandlingar der to eller fleire kan vere saman. Du kan lese meir om under Våre behandlingar om moglegheitene for å dele litt luksus og lykke.

Vi ber om at avbestilling av spa-behandlingar skjer minst 24 timar før behandlinga skal byrje. Ved avbestilling seinare enn det, blir behandlinga belasta med 100%.

Ei spaoppleving skal redusere stress- nivået gjennom avslapping og stille. Mobiltelefonar set vi på lydlaust, og legg dei i garderobeskapet før vi går inn i Union Spa. Eller la den ligge igjen på hotellrommet.

Eit opphald i spaavdelinga skal vere ei privat oppleving. Vi ønskjer at gjestene våre skal kunne nyte den gode stunda utan å bli forstyrra av fotografering eller filming.

Gode råd før besøk eller behandling

Allergiar

Avkopling

Servering

Før behandlinga

Behandlingar for to eller fleire

Avbestilling

Mobiltelefon

Fotografering