Mannen bak maten og menyane
Mat er ein viktig del av opplevinga på Union Geiranger. Derfor er vi stolte av å ha Odd Ivar Solvold som F&B-direktør og drivkraft bak matkonseptet vårt. Med lang erfaring, høge ambisjonar og fleire prestisjefylte utmerkingar har han utvikla eit konsept der gode råvarer, gode smakar og gode opplevingar står i sentrum.
Om Odd Ivar Solvold
Bak mat- og drikkeopplevingane på Union Geiranger står Odd Ivar Solvold, ein av dei mest meritterte kokkane i norsk gastronomi.
Gjennom fleire tiår har han markert seg som kokk, mentor og leiar på øvste internasjonale nivå. Han er tre gonger norsk meister i kokkekunst, kåra til Årets Kokk i Noreg, Noregs beste sjømatkokk og bronsevinnar i Bocuse d'Or – verdas mest prestisjefylte kokkekonkurranse.
Som coach har han vore med på å utvikle fleire av dei fremste norske kokketalenta, med tre verdsmeistrar og to europameistrar i Bocuse d'Or på merittlista og som medlem og leiar av Det Norske Kokkelandslaget gjennom 12 år.
Som leiar for Food & Beverage-teamet ved Union Geiranger er han tett involvert i utviklinga av mat- og drikkekonseptet og treninga av kjøkken- og serveringsteamet. Gjennom fagkunnskap, høge standardar og eit sterkt fokus på kvalitet er han med på å sikre at kvar gjest får ei mat- og drikkeoppleving som står i stil med omgjevnadene.
Filosofien er enkel: Dei beste opplevingane startar med gode råvarer, godt handverk og menneske som brenn for faget sitt. Det pregar alt frå menyutvikling og vinutval til servicen rundt bordet.
