Spa etikette

Stille og ro er sjølve ramma for god og djup indre reinsing. Derfor spelar atmosfæren i spaavdelinga vår ei viktig rolle. Aldersgrensa er 18 år, men som forelder kan du ta med deg barn ned til 16 år.

Eit besøk i Union Spa skal vere avslappande og utan stress. Har du reservert behandling tilrår vi deg å møte opp ca. 30 minutt før behandlinga byrjar. Då har du god tid til å skifte, prøve varme- og vassopplevingane våre, og gjer deg klar. Skulle noko gjere at du kjem for seint til avtalt behandling vil behandlingstida bli noko innkorta tilsvarande i respekt for den neste som har avtalt behandling. Drikk alltid godt med vatn før behandlinga startar.

Alle som besøkjer Union Spa får tilbod om omvisning for å bli betre kjent med produktet. Om du ønskjer omvisning i Union Spa utan å måtte ha på badekåpe, kan de førehandsavtale omvisning til utanom opningstid.

Handkle finn du på ulike stasjonar inne i Union Spa, og av hygieniske hensyn, ber vi om at desse blir nytta ved besøk i sauna, dampbad og på varmebenk. I avslappingssonene tar vi av vått badetøy eller brukar handkle i liggjestolane. Som sertifisert miljøfyrtårn håper vi du tek omsyn til miljøet.

Ta deg ei stund for deg sjølv, før du startar sjølve behandlinga. Ein symjetur inne eller ute er god avkopling. Eller kanskje ein reinsande sauna, eit japansk varmebad eller opplevingsdusjar. Dette varmar opp både kropp og sjel. På den måten får du maksimalt ut av behandlingane. Etter behandling eller besøk i saunaområdet, anbefalar vi ei god stund i avslappingssonene våre. Her kan du kvile deg ut, sove eller lese.

Alle våre spagjester får låne gode, mjuke badekåper og badetøflar som vi ber alle spagjester benytte ved eit besøk i Union Spa.

I våtrom og sauna er det påkrevd med badetøy. Bruk badekåpa og tøflane når du oppheld deg i avkoplingssonene. Smykke og private eigedelar kan du oppbevare i dei låsbare garderobeskapa.

Dei fleste kroppbehandlingar og massasjar blir gjennomført med undertøy/ badetøy. Eingongsundertøy er også tilgjengeleg. Eingongsundertøy kan anbefalast for behandlingar som set farge.

Spa etikette

Møt i god tid

Bli kjent med Union Spa

Handkle

Unn deg litt tid åleine

Korrekt kledd

Velkomne til den gode tida i Union Spa!